Xitoyning O‘zbekistondagi elchisi: “Islom Karimov boshlagan buyuk ishlar davom etishiga ishonamiz”
Xitoyning O‘zbekistondagi elchisi Sun Litsze 4-sentabr kuni O‘zbekiston Oliy Majlisi Senatida tashkil etilgan xotira marosimiga tashrif buyurdi, deya xabar bermoqda O‘zA.
“O‘zbekiston xalqiga chuqur hamdardlik bildiramiz. O‘zbekistonning Birinchi Prezidenti Islom Karimov mustaqillikka erishish, davlatni har tomonlama rivojlantirish, shuningdek, mamlakatlarimiz o‘rtasidagi hamkorlikni mustahkamlashga ulkan hissa qo‘shdi”, — deya Xitoy elchisining so‘zlaridan iqtibos keltirmoqda O‘zA.
“Islom Karimov boshlagan buyuk ishlar davom etishiga, O‘zbekiston yanada ravnaq topishiga ishonamiz. Islom Karimovning O‘zbekiston – Xitoy munosabatlarini izchil rivojlantirish yo‘lidagi ishlari va amalga oshirgan islohotlarini davom ettirib, o‘zaro hamkorligimizni yanada mustahkamlayveramiz”, — deya qo‘shimcha qildi Xitoy elchisi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
