Londonning “Vest Hem” klubi Yevropa Ligasi 3-saralash bosqichini mag‘lubiyat bilan boshladi. Sloveniyada “Domjale” klubi bilan to‘qnash kelgan Slaven Bilich shogirdlari 1:2 hisobida imkoniyatni boy berdi.
Uchrashuvni boshqarib borgan turkiyalik hakam Mete Kalkavan ikkita penalti belgiladi. 11-daqiqada mezbonlar bundan unumli foydalangan bo‘lsa, 18-daqiqada Mark Noubl 11 metrlik jarima zarbasini aniq amalga oshirdi.
Hisobni ushlab qolish londonliklarga nasib qilmadi. 49-daqiqada Matits Chrnits dublini rasmiylashtirib, Sloveniya klubining g‘alabasini ta’minlab berdi.
Yevro—2016 yulduzlaridan biri Dimitri Payet uchrashuv qaydnomasiga kiritilmadi.
Yevropa Ligasi 3-saralash bosqichi. Dastlabki o‘yinlar 28-iyul, payshanba
“Admira Vakker” (Avstriya) — “Slovan” (Chexiya) 1:2“Sent-Etyen” (Fransiya) — “AEK” (Gretsiya) 0:0“Aberdin” (Shotlandiya) — “Maribor” (Sloveniya) 1:1“AZ Alkmar” (Gollandiya) — “Pas” (Gretsiya) 1:0“Domjele” (Sloveniya) — “Vest Hem” (Angliya) 2:1“Videoton” (Vengriya) — “Midtyullann” (Daniya) 0:1“Gent” (Belgiya) — “Viitorul” (Ruminiya) 5:0“Gerta” (Germaniya) — “Brondbyu” (Daniya) 1:0“Panduriy” (Ruminiya) — “Makkabi T-A” (Isroil) 1:3“Voyvodina” (Serbiya) — “Dinamo Minsk” (Belarus) 1:1
Izoh (0)