Merkel rasmiy Anqarani to‘ntarishdan keyin ko‘rilayotgan choralarni haddan oshirib yubormaslikka chaqirdi

Turkiya muvaffaqiyatsiz yakunlangan harbiy to‘ntarish ishtirokchilarini jazolashni haddan oshirib yubormasligi lozim. Bu haqda Germaniya kansleri Angela Merkel bayonot berdi, deb xabar qilmoqda “Gazeta.ru”.

“Albatta, mamlakatda to‘ntarishga urinish yuz berganda tashkilotchilarga qarshi choralar ko‘rish zarur, ammo konstitutsiya doirasida”, — uning so‘zlarini keltiradi Reuters.

Eslatib o‘tamiz, Turkiyada to‘ntarishga aloqadorlikda gumondor o‘n minglab insonlar qo‘lga olindi, ularning bir qismi turli muddatlarga hukm qilinishi kutilmoqda. Shuningdek, mamlakatda o‘lim jazosini qaytarish masalasi muhokama qilinmoqda.