Interpol IShID guruhiga qarshi kurashayotgan xalqaro koalitsiyaga qo‘shildi. Bu haqda, tashkilot bosh kotibi Yurgen Shtokning bayonotiga asoslanib, “TASS” xabar bermoqda.
“Interpol orqali ma’lumot almashish milliy xavfsizlik perimetrining kengayishini ta’minlaydi. Bu guruhga qarshi asosiy kurash ketayotgan ixtilof zonasi bilan IShID odamlarni radikallashtirishga urinib zarbalar berayotgan zonada faoliyat yuritayotgan huquq-tartibot organlari o‘rtasida ko‘prik o‘tkazish yo‘lidagi muhim qadamdir”, — ta’kidladi u.
Endilikda Interpol IShID teraktlarining moliyalashtirilishini, shuningdek, terrorchilar oqimini cheklash bo‘yicha sa’y-harakatlarni qo‘llab-quvvatlaydi.
“Jahonning 60 mamlakati Interpol orqali hamkorlik qilmoqda. Ular tegishli ma’lumotlar bazasiga 7,5 mingdan ortiq jangari haqida axborot to‘plashga muvaffaq bo‘ldi”, — deyiladi bayonotda.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)