Xitoyda gidrosamolyotning ko‘prikka urilishi oqibatida 5 kishi halok bo‘ldi

Xitoyning Shanxay shahrida Cessna 208B gidrosamolyoti ko‘prik bilan to‘qnashib ketishi oqibatida 5 kishi halok bo‘ldi. Bu haqda “Sina” portaliga tayanib, “TASS” xabar bermoqda.

Halokat gidrosamolyot havoga ko‘tarilgandan keyin 10 daqiqa o‘tib sodir bo‘lgan. Ma’lumotlarga ko‘ra, samolyot bortida 2 nafar uchuvchi va 8 nafar yo‘lovchi bo‘lgan. Jarohat olganlarning barchasi shifoxonaga yetkazilgan.

Voqea sabablari va jarohat olganlarning holati haqida hozircha hech qanday ma’lumot yo‘q.