Eron S-300 zenit-raketa majmuasi uchun Rossiyadan raketalar to‘plamini qabul qilib oldi. Bu haqda oshkor etilmagan manbalarga tayanib, Eron OAVlari ma’lum qildi, deb xabar bermoqda “Interfaks”.
Ma’lumotlarga ko‘ra, Eronga S-300PMU2 turidagi raketalar yetkazilmoqda. Norasmiy xabarlarga ko‘ra, Eronga umumiy miqdori 1 milliard dollarga teng to‘rtta qayta ishlangan S-300PMU2 “Favorit” majmuasi hamda “Almaz-Antey” Havo-kosmik mudofaasi konsernining mahsulotlari yetkazib beriladi.
S-300 majmuasi harbiy guruhlar va strategik obyektlarni hamda statsionar boshqaruv punktlari, harbiy bazalar, ma’muriy markazlar, sanoat obyektlarini ballistik va qanotli raketa zarbalaridan, shuningdek, uchuvchisiz uchar moslamalar va strategik aviatsiyadan himoya qiladi.
Izoh (0)