Gretsiya poytaxti Afina shahrida yengil atletika bo‘yicha Filothei Women Gala–2016 xalqaro musobaqa o‘z yakuniga yetdi. Unda ishtirok etgan ikki nafar o‘zbekistonlik sportchi — Svetlana Radzivil va Nadiya Dusanova sovrindorlar qatoridan joy oldi. Bu haqda O‘zbekiston Milliy olimpiya qo‘mitasi matbuot xizmati xabar bermoqda.
Svetlana Radzivil balandlikka sakrash sektorida 1,95 metr natija qayd etib, oltin medalni qo‘lga kiritdi. Nadiya Dusanova 1,93 metr balandlikni zabt etdi va kumush medal bilan taqdirlandi.
Avvalroq Svetlana Radzivil va Nadiya Dusanova Rio-de-Janeyro shahrida bo‘lib o‘tadigan Rio–2016 Olimpiada o‘yinlariga yo‘llanmani qo‘lga kiritgan edi.
Izoh (0)