Business Insider nashri o‘z mahsulotlarining u yoki bu jihatlarini yoxud brend tarixini logotiplarida aks ettirgan kompaniyalar haqida ma’lumot berdi. Materialni “VC.ru” taqdim etmoqda.
FedEx logotipining harflar birikkan yerida ko‘rsatkich mil yashiringan — u samaradorlik va olg‘a yurish ramzidir.
Yonma-yon joylashgan G va I harflari Gilette ishlab chiqaradigan asosiy mahsulot — piskani tasvirlaydi.
NBC televizion tarmog‘i logotipi tovus dumini eslatib, mag‘rurlik va kuchni ifodalaydi.
Kompyuter va noutbuklar brendi — Vaio nomi logotipda ikki qismga bo‘linadi. V va A harflari muqobil signalning qiya chizig‘ini, I va O esa ikkilik kodni gavdalantiradi.
Tostitos logotipida esa T harfi shaklidagi ikki odam sous solingan taqsimchaning (I harfi) ikki tomonida turibdi.
1917-yilda BMW aviatsiya kompaniyasi sifatida ish boshladi, ammo bir yildan so‘ng Versal kelishuvi bois uning faoliyati to‘xtatildi. Shunga qaramay, uning logosida aviatsiyaning asosiy ramzlari — parrak va bulutli osmon — qolib ketdi.
Uchburchak shakldagi shokoladlar brendi Toblerone logotipida tog‘larda raqs tushayotgan ayiqni ko‘rish mumkin. Bunday tasvir kompaniya yaratilgan joy — “ayiqlar shahri” nomi bilan mashhur Bernga ishoradir.
Daniyadagi kampaniya paytida Coca-Cola ichida ushbu mamlakat bayrog‘i yashiringan logotip chiqardi. Bayroqni O va L harflari orasidan topish mumkin.
Amazon’dagi ko‘rsatkich belgi bu platformada A’dan Z’gacha bo‘lgan har qanday mahsulotni topish mumkinligini bildiradi. Ba’zan uni tabassumga ham o‘xshatishadi.
Beats firmasi logosidagi b harfi quloqlik taqqan boshni ifoda etadi.
Pinterest ijtimoiy tarmog‘i logotipidagi P esa harfi foydalanuvchining devoriga rasm ilishga xizmat qiladigan tugmani eslatib yuboradi.
LSO faqatgina London simfonik orkestri qisqartmasi bo‘lmay, dirijor ramzi hamdir.
L harfini G ichiga joylashtirish bilan LG kompaniyasi ko‘z qisib turgan smayl shaklidagi logotip yarata oldi.
Tour de France logosidagi quyosh ayni paytda velosiped g‘ildiragi hamdir.
Britaniya xayriya tashkiloti uysizlarga boshpana qidirish bilan shug‘ullanadi, shu bois H harfi uy tomi shakliga ega.
Cisco IT-kompaniyasi logotipi nafaqat elektromagnit to‘lqinlarni ko‘rsatadi, balki San-Fransiskodagi mashhur “Oltin Darvoza” ko‘prigiga ishora qiladi.
Milwaukee Brewers sport jamoasi logotipidagi ramz — beysbol qo‘lqopi, lekin bu tasvir M va B harflaridan tashkil topgani ba’zan e’tibordan chetda qoladi.
Unilever logotipidagi U harfi kompaniyaning turli biznes yo‘nalishlarini aks ettiruvchi mitti shakllarga boy. Aytaylik, quyun yaxshi ta’mga bo‘lgan ishtiyoqni bildiradi.
Oracle Sun Microsystems kompaniyasini xarid qilinishidan oldin u yirik kompyuter ishlab chiqaruvchisi edi. Kompaniya logotipi hamma tarafdan to‘g‘ri o‘qish mumkin bo‘lgan anagramma shaklidadir.
Presviterian cherkovi logosida sakkizta diniy ramz bor.
2005-yilda tashkil etilgan Baskin Robbins logotipi kompaniya ishlab chiqaradigan muzqaymoqlarning (31 turda) ta’mlariga ishora qilishi lozim edi.
Eighty20 tadqiqot kompaniyasining belgisi ikkilik kodni o‘z ichiga olgan. Ko‘k kvadratlarni bir, kulrang kvadratlarni nol deb olib, kompaniya, shu tariqa, o‘z logosi orqali yuqori satrda 1010000 (80), quyi satrda 0010100 (20) raqamlarini ko‘rsatgan.
Izoh (0)