Business Insider нашри ўз маҳсулотларининг у ёки бу жиҳатларини ёхуд бренд тарихини логотипларида акс эттирган компаниялар ҳақида маълумот берди. Материални «VC.ru» тақдим этмоқда.
FedEx логотипининг ҳарфлар бириккан ерида кўрсаткич мил яширинган — у самарадорлик ва олға юриш рамзидир.
Ёнма-ён жойлашган G ва I ҳарфлари Gilette ишлаб чиқарадиган асосий маҳсулот — пискани тасвирлайди.
NBC телевизион тармоғи логотипи товус думини эслатиб, мағрурлик ва кучни ифодалайди.
Компьютер ва ноутбуклар бренди — Vaio номи логотипда икки қисмга бўлинади. V ва A ҳарфлари муқобил сигналнинг қия чизиғини, I ва O эса иккилик кодни гавдалантиради.
Tostitos логотипида эса T ҳарфи шаклидаги икки одам соус солинган тақсимчанинг (I ҳарфи) икки томонида турибди.
1917 йилда BMW авиация компанияси сифатида иш бошлади, аммо бир йилдан сўнг Версаль келишуви боис унинг фаолияти тўхтатилди. Шунга қарамай, унинг логосида авиациянинг асосий рамзлари — паррак ва булутли осмон — қолиб кетди.
Учбурчак шаклдаги шоколадлар бренди Toblerone логотипида тоғларда рақс тушаётган айиқни кўриш мумкин. Бундай тасвир компания яратилган жой — «айиқлар шаҳри» номи билан машҳур Бернга ишорадир.
Даниядаги кампания пайтида Coca-Cola ичида ушбу мамлакат байроғи яширинган логотип чиқарди. Байроқни O ва L ҳарфлари орасидан топиш мумкин.
Amazon’даги кўрсаткич белги бу платформада A’дан Z’гача бўлган ҳар қандай маҳсулотни топиш мумкинлигини билдиради. Баъзан уни табассумга ҳам ўхшатишади.
Beats фирмаси логосидаги b ҳарфи қулоқлик таққан бошни ифода этади.
Pinterest ижтимоий тармоғи логотипидаги P эса ҳарфи фойдаланувчининг деворига расм илишга хизмат қиладиган тугмани эслатиб юборади.
LSO фақатгина Лондон симфоник оркестри қисқартмаси бўлмай, дирижёр рамзи ҳамдир.
L ҳарфини G ичига жойлаштириш билан LG компанияси кўз қисиб турган смайл шаклидаги логотип ярата олди.
Тоур де France логосидаги қуёш айни пайтда велосипед ғилдираги ҳамдир.
Британия хайрия ташкилоти уйсизларга бошпана қидириш билан шуғулланади, шу боис H ҳарфи уй томи шаклига эга.
Cisco IT-компанияси логотипи нафақат электромагнит тўлқинларни кўрсатади, балки Сан-Францискодаги машҳур «Олтин Дарвоза» кўпригига ишора қилади.
Milwaukee Brewers спорт жамоаси логотипидаги рамз — бейсбол қўлқопи, лекин бу тасвир M ва B ҳарфларидан ташкил топгани баъзан эътибордан четда қолади.
Unilever логотипидаги U ҳарфи компаниянинг турли бизнес йўналишларини акс эттирувчи митти шаклларга бой. Айтайлик, қуюн яхши таъмга бўлган иштиёқни билдиради.
Oracle Sun Microsystems компаниясини харид қилинишидан олдин у йирик компьютер ишлаб чиқарувчиси эди. Компания логотипи ҳамма тарафдан тўғри ўқиш мумкин бўлган анаграмма шаклидадир.
Пресвитериан черкови логосида саккизта диний рамз бор.
2005 йилда ташкил этилган Baskin Robbins логотипи компания ишлаб чиқарадиган музқаймоқларнинг (31 турда) таъмларига ишора қилиши лозим эди.
Eighty20 тадқиқот компаниясининг белгиси иккилик кодни ўз ичига олган. Кўк квадратларни бир, кулранг квадратларни ноль деб олиб, компания, шу тариқа, ўз логоси орқали юқори сатрда 1010000 (80), қуйи сатрда 0010100 (20) рақамларини кўрсатган.
Изоҳ (0)