AQSh Suriyada yarashuvni qayta tiklash va mamlakatda siyosiy o‘tish davrini joriy qilish ustida Rossiya bilan ishlashda davom etadi, biroq bunda prezident Bashar Asad uchun o‘rin yo‘qligiga ishonchi komil. Bu haqda AQShning BMTdagi doimiy vakili Samanta Pauer Xavfsizlik Kengashining Aleppodagi vaziyatga bag‘ishlangan majlisida aytib o‘tdi, deb yozadi “TASS”.
U Rossiya va Eronning Damashq jangovar harakatlarni bas qilish va gumanitar yordam ko‘rsatish uchun aholi bilan to‘siqsiz aloqani ta’minlash bo‘yicha o‘z vazifalarini bajarishi uchun, uning rejimiga bosim o‘tkazishini kutayotganini ta’kidladi.
“O‘z navbatida, AQSh muxolifat ham xuddi shunday qilishi uchun unga bosim o‘tkazishda davom etadi. Biz Aleppo va Suriyaning boshqa qismlarida jangovar harakatlarning to‘liq to‘xtatilishini qayta tiklashga harakat qilish uchun rossiyalik hamkasblarimiz bilan ishlashda, shuningdek, Asadsiz siyosiy o‘tish davriga ko‘mak berishda davom etamiz. Bu — ushbu urushni tugatishning yagona usuli”, — dedi diplomat.
Izoh (0)