Avstraliya fuqarolarini IShID safiga yollash tarmog‘iga yetakchilik qilgan Nil Prakash Iroqning Mosul shahrida AQSh harbiy-havo kuchlari zarbasi bilan yo‘q qilindi. Bu haqda Prakashni “Avstraliyaning eng xavfli terrorchisi” deb atagan Daily Telegraph ma’lum qildi, deya xabar beradi “TASS”.
Ekstremist Mosulga 29-aprel kuni berilgan havo zarbasi natijasida o‘ldirildi. Bu haqda AQSh hukumati Avstraliya bosh vaziri Malkolm Ternbullni xabardor qilgan. Amerikadagi rasmiy manbalar jangarining yo‘q qilinishi AQSh va boshqa qator mamlakatlarda uyushtirilishi rejalashtirilgan teraktlar oldini olishda yordam berganini ta’kidlamoqda.
Abu Xolid al-Kambodiy nomi bilan ham taniqli bo‘lgan Nil Prakash taxminan 2013-yilda Melburnni tark etib, Suriyaga yo‘l olgandi.
IShID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)