“Atletiko” jamoasi bosh murabbiyi Diyego Simeone “Bavariya”ga qarshi (1:2) YeChL yarim final javob o‘yinidan so‘ng o‘z fikrlari bilan o‘rtoqlashdi, deb xabar bermoqda “Chempionat”.
“Bugun faoliyatim davomida men to‘qnash kelgan eng kuchli raqibga qarshi o‘ynadik. Bu, ayniqsa, birinchi bo‘limga tegishli. Maydonda men kuzatgan o‘yin yoqdi, axir mening jamoam ham yaxshi o‘ynadi. Raqibning bosimiga turib berdik, qiyinchilik bilan bo‘lsa-da, gol urishga ham muvaffaq bo‘ldik. Biz Yevropaning yetakchi uchta klubidan ikkitasini mag‘lubiyatga uchratdik”, – dedi Simeone.
“Futbolchilar va ularning o‘yini bilan faxrlanaman. Raqibimiz juda kuchli edi. Tarkibdagi bor o‘yinchilar bilan kuchli tomonlarimizni ishlatishga va o‘z futbolimizni ko‘rsatishga harakat qildik. Endi esa finalda g‘alaba qozonish imkoniyati paydo bo‘ldi va unga imkon qadar yaxshi tayyorgarlik ko‘ramiz. Jamoa sifatida shakllanayotganimiz uchun muvaffaqiyatli ishtirok etyapmiz. Tarkibda yosh futbolchilar ko‘p va ular yangi uslubga ko‘nikmoqda. O‘yin uslubimiz bizga yoqadi. Biz finaldamiz va g‘alaba qozonishni istaymiz”, – deya fikriga yakun yasadi argentinalik mutaxassis.
“Atletiko” dastlabki o‘yinda “Bavariya”ni 1:0 hisobida mag‘lubiyatga uchratgan edi. Javob o‘yinida “Bavariya” 2:1 hisobida “Atletiko”dan ustun keldi. Mehmonda kiritilgan gol evaziga Diyego Simeone jamoasi YChL final yo‘llanmasini qo‘lga kiritdi.
Izoh (0)