Amerikalik yigit yarim daqiqada 12 ta shirin kulchani paqqos tushirdi (video)

Yeguliklarni tezkorlik bilan paqqos tushirishi orqali tanilgan amerikalik Mett Stouni 12 ta shirin kulchani qanchalik tez yeya olishini sinab ko‘rishga qaror qildi, deb yozadi Meduza.

12 ta shirin kulchaning boshiga yetish uchun Stouniga 34 soniya kerak bo‘ldi. Uning ta’kidlashicha, bu dunyodagi eng yaxshi natija — bundan avvalgi rekord 45 soniyaga teng bo‘lgan.

Nashr eslatishicha, bungacha Stouni McDonald’s yeguliklarining ulkan o‘ramini 7 daqiqada, 12 banka makkajo‘xorini 12 daqiqa-yu 45 soniyada yeb bitirgan edi. 2015-yilda Mett xot-doglarni tez yeyish bo‘yicha chempionga aylangan edi.