Suriya muxolifati yagona armiya tuzilishini e’lon qildi

Muxolifatdagi Suriya ozod armiyasiga (SOA) kiruvchi qurolli guruhlar yagona harbiy blok yaratilganini e’lon qildi. Bu haqda Forbes xabar bermoqda.

37 ta otryad vakillari imzolagan bayonotda SOA tomonidan nazorat etilayotgan istalgan hududga hujum blokka qarshi tajovuz sifatida baholanishi va kuch yordamida javob berilishiga olib kelishi bildirilgan.

Hujjatda Suriyada ikki oy avval e’lon qilingan o‘t ochishni to‘xtatish tartibi barbod bo‘lgani, Bashar Asad qo‘shinlari, jumladan, Aleppoda intensiv bombardimonlarni amalga oshirayotgani ta’kidlangan.

“Mazkur tartib mintaqaviy jihatdan bo‘linishiga hech qachon rozi bo‘lmaymiz. O‘t ochishning to‘xtatilishiga mamlakatning barcha hududlarida amal qilinishi lozim”, — deya ma’lum qilgan SOA vakillari.