Libertadores Kubogi 1/8 final dastlabki o‘yinida Venesuelaning “Deportivo Tachira” jamoasi Meksikaning “UNAM Pumas” klubiga qarshi bahs olib bordi. San-Kristobaldagi “Polideportivo de Pueblo Nuevo” stadionida o‘tkazilgan uchrashuv maydonga kirib olgan it tufayli bir muddatga to‘xtatildi, deb xabar bermoqda “Chempionat”.
It o‘zini ancha xushchaqchaq tutib, har ikki jamoa futbolchilari bilan o‘ynashga urindi. Shundan so‘ng maydondagi futbolchilardan biri itni ko‘tarib, maydon tashqarisiga olib chiqdi va yordamchi hakamga uzatdi.
Mazkur uchrashuv “Deportivo Tachira”ning 1:0 hisobidagi g‘alabasi bilan yakunlandi. O‘yindagi yagona gol muallifi Yuber Moskera bo‘ldi.
Izoh (0)