O‘zbekistonlik bokschilar Shahobiddin Zoirov va Shahram G‘iyosov ham Xitoydagi turnirda oltin medalni qo‘lga kiritdi

Xitoyning Sian An shahrida boks bo‘yicha Rio–2016 Olimpiada o‘yinlari yo‘llanmalari uchun Osiyo va Okeaniya mintaqalarining qo‘shma litsenzion turnirining final bellashuvlari davom etmoqda.

O‘zbekiston boks federatsiyasining Facebook’dagi rasmiy sahifasida ma’lum qilinishicha, -52 kilogramm vazn toifasida o‘zbekistonlik bokschi Shahobiddin Zoirov xitoylik Xu Jianggunga qarshi bahs olib bordi va 2:1 hisobida raqibidan ustun keldi. Shu tariqa, Shahobiddin Zoirov Sian An shahrida o‘tayotgan musobaqaning oltin medalini qo‘lga kiritdi.

Shuningdek, -69 kilogramm vazn toifasida ringga ko‘tarilgan O‘zbekiston vakili Shahram G‘iyosov final bahsida tailandlik Saylom Ardini 3:0 hisobida mag‘lubiyatga uchratib, oltin medalga sazovor bo‘ldi.

Eslatib o‘tamiz, kecha, 31-mart kuni Shahobiddin Zoirov va Shahram G‘iyosov Rio–2016 Olimpiada o‘yinlariga yo‘llanma olgan edi.

Mavzuga oid:

• O‘zbekistonlik bokschi Hasanboy Do‘smatov Xitoydagi turnirning oltin medaliga sazovor bo‘ldi