2015-yili Rossiya fuqaroligini olgan amerikalik bokschi Roy Jons sportdagi faoliyatini yakunladi, u endi e’tiborini musiqaga qaratadi. Bu haqda Jons faxriy prezidenti bo‘lgan “Patriot” promouterlik kompaniyasi sport direktori Dmitriy Luchnikov ma’lum qildi, deya xabar beradi “RBK”.
“Janglar bo‘lmaydi, biz uning mushtlashishini istamaymiz. U karyerasini yakunladi, desak ham bo‘ladi. Jons Rossiyada musiqiy faoliyatini tashkillashtirishimizni iltimos qildi. Shuningdek, professional boks bo‘yicha Roy Jons kubogi turnirlarini rejalashtirganmiz. Biz uning advokati bilan ishlayapmiz, hamkorlikdagi tadbirlar uchun shartnoma tayyorlashni boshladik”, — deya ta’kidlagan Luchnikov.
Eslatib o‘tamiz, Roy Jons 2015-yil 12-dekabrda Moskvada bo‘lib o‘tgan oxirgi jangida britaniyalik Enso Makkarinelliga to‘rtinchi raundda texnik nokaut bilan yutqazib qo‘ygandi.
Izoh (0)