O‘zbekistonning janubiy viloyatlarida 2-fevral kuni havo harorati +15 darajagacha ko‘tariladi

O‘zbekistonda 2-fevral kuni yog‘ingarchilik kutilmaydi. Bu haqda “O‘zgidromet” markazi xabar bermoqda.

Xabar berishlaricha, 2-fevralga o‘tar kechasi Qoraqalpog‘iston Respublikasi va Xorazm viloyatida -5 darajagacha, Buxoro, Navoiy, Toshkent, Samarqand, Jizzax, Sirdaryo, Andijon, Namangan, Farg‘ona viloyatlarida -3 darajagacha, Toshkent shahrida -2 darajagacha sovuq bo‘ladi. Qashqadaryo va Surxondaryo viloyatlarida 0...+5 daraja iliq bo‘ladi.

2-fevral kuni kunduzi Andijon, Namangan, Farg‘ona viloyatlari va Toshkent shahrida +9 darajagacha, Qoraqalpog‘iston Respublikasi, Xorazm, Toshkent, Samarqand, Jizzax, Sirdaryo viloyatlarida +10 darajagacha, Buxoro va Navoiy viloyatlarida +12 darajagacha, Qashqadaryo va Surxondaryo viloyatlarida +15 darajagacha iliq bo‘ladi.

1—5-fevral kunlari O‘zbekistonning tog‘li hududlarida qor ko‘chishi xavfi bor.