Rossiya poytaxti Moskva shahridagi Markaziy kinochilar uyida 18-yanvar kuni o‘zbekistonlik taniqli rejissor Shuhrat Abbosovning 85 yoshga to‘lishi munosabati bilan yubiley kechasi o‘tkazildi. Bu haqda “Darakchi” gazetasi xabar bermoqda.
O‘zbekiston xalq artisti, rejissor Shuhrat Abbosov 16-yanvar kuni 85 yoshga to‘ldi. U “Mahallada duv-duv gap” (1960), “Sen yetim emassan” (1962), “Toshkent — non shahri” (1967), “Otamdan qolgan dalalar” (1997) kabi filmlarni suratga olgan, “Shum bola” (1977) filmida ssenariy muallifi sifatida qatnashgan.
Izoh (0)