22-dekabr, seshanba kuni Hindistonning g‘arbida joylashgan Kalkutta shahar aeroportida Jet Airways aviakompaniyasining avtobusi Air India yo‘lovchi samolyotiga to‘qnashib ketdi. Bu haqda NDTV telekanali bergan ma’lumotlarga asosan “RIA Novosti” xabar qilmoqda.
Zarar ko‘rganlar haqida hech qanday ma’lumot yo‘q.
Hodisa sodir bo‘lganda, Hindistonning Silchar shahriga parvoz qilishi lozim bo‘lgan samolyotda yo‘lovchilar bo‘lmagan. To‘qnashuv natijasida samolyotning dvigateli jiddiy zarar ko‘rganligi ta’kidlanmoqda.
Aeroport va aviakompaniyalar vakillari voqea joyiga yetib keldi. Ayni vaqtda avtobus haydovchisi tibbiy ko‘rikdan o‘tkazilib, so‘roq qilinmoqda.
Izoh (0)