Ijtimoiy tarmoqlarda maktabda o‘quvchilar klip tomosha qilib o‘tirgani aks etgan video tarqaldi. Maktabgacha va maktab ta’limi boshqarmasi holatga izoh berdi.
Holat yuzasidan Maktabgacha va maktab ta’limi boshqarmasi ishchi guruhi tomonidan o‘rganish ishlari olib borildi. O‘rganish davomida videolavhadagi holat Sardoba tumanidagi 5-umumta’lim maktabida sodir bo‘lganligi ma’lum bo‘ldi.
O‘quvchilarni darsdan bo‘sh vaqtida nazoratsiz qoldirib, ushbu holat yuzaga kelishiga yo‘l qo‘ygani uchun sinf rahbari, maktab direktori, direktorning o‘quv ishlari va ma’naviy-ma’rifiy ishlar bo‘yicha o‘rinbosarlari bilan tuzilgan mehnat shartnomasi bekor qilindi.
Kelgusida bu kabi salbiy holatlar takrorlanishining oldini olish maqsadida viloyatdagi mavjud barcha umumta’lim maktablarida “Maktab, ota-ona, mahalla” hamkorligini yanada kuchaytirish bo‘yicha tegishli chora-tadbirlar belgilandi.
Izoh (0)