Xitoy xalq banki yuanning dollarga nisbatan kursini 64 bazis punktga pasaytirdi: ayni paytda 1 dollar 6,4559 yuanni tashkil etmoqda. Bu haqda “RBK” xabar bermoqda.
The Wall Street Journal nashrining ta’kidlashicha, Xitoyda inflyatsiyaning yuqori darajasi kutilayotgani tufayli mazkur qaror qabul qilingan. Rivojlanayotgan bozorlarning o‘sish sur’ati va xomashyo mahsulotlariga narx keskin pasaymoqda, Xitoyning almashuv kursi borasidagi rejalari esa mavhumlikning asosiy manbai bo‘lib xizmat qilmoqda.
Yuanning kelgusida yanada tushib ketishining oldini olish uchun Xitoy rasmiylari valyuta zaxiralarini sota boshladi, shuningdek, xavfsirashlar oldini olish uchun kuchli valyuta yaratilishi haqida ham ma’lum qilindi. Jumladan, Xitoy raisi Si Szinpin Sietldagi chiqishi chog‘ida mamlakat yuanni zaiflashtirmasligini bildirgan.
Eslatib o‘tamiz, oldinroq Xalqaro valyuta jamg‘armasi (XVJ) yuanni dollar, yevro, iyena va funt sterling qatori o‘zining zaxira valyutalari sirasiga kiritgani haqida xabar berilgandi.
Izoh (0)