Bugun,

  • USD 11095.31
  • RUB 173.84
  • EUR 10772.44

Shimoliy Kavkaz okrug harbiy sudi Maxachqalaning sobiq meri Said Amirovni terrorchilikda aybdor deb topib, umrbod ozodlikdan mahrum etish haqida hukm chiqardi. Bu haqda “TASS” xabar bermoqda.

Foto: TASS

Foto: TASS

“Amirovning aybi isbotlandi. Jinoyatlarni umumlashtirib, sud Amirovga nisbatan umrbod ozodlikdan mahrum etish jazosini qo‘llash haqida qaror qabul qildi”, — dedi sudya.

Sudyaning qo‘shimcha qilishicha, Amirov jazoni alohida tartibli koloniyada o‘taydi. Jarayonning qolgan ishtirokchilari 9 yildan 22 yilgacha ozodlikdan mahrum etildi.

Maxachqala sobiq merining himoyasi hukm ustidan shikoyat qilish niyatida. “Albatta, shikoyat beramiz. Bu hukm — adolat va qonuniylikdan ancha uzoqdagi narsa”, — dedi advokat Vladimir Postanyuk.

Uning fikricha, “sudda haqiqatni o‘rnatish istagi bo‘lmagan”. Postanyukning qayd etishicha, Inson huquqlari bo‘yicha Yevropa sudi qaroriga muvofiq, gumonlanuvchiga dastlab tibbiy yordam ko‘rsatilib, so‘ng ehtiyot chorasi sifatida hibsga olinishi kerak edi.

“Himoya tomonining qo‘lida Inson huquqlari bo‘yicha Yevropa sudining kuchga kirgan qarori bor, unga ko‘ra, Amirov operatsiya qilinishi kerak edi, biroq bu ish hali ham amalga oshgani yo‘q”, — deya qo‘shimcha qildi advokat.

Izoh
Asosiy yangiliklar
Mahalliy
Toshkentda IIB xodimi xizmat vazifasini bajarayotgan vaqtida o‘ldirib ketildi
Madaniyat
Bir-biriga mutlaqo qarama-qarshi rollarni o‘ynab, tomoshabinlarni ishontira olgan aktyor va aktrisalar (foto)
Dunyo
“KamAZ”da harbiylarni bosib ketgan: Qozog‘istonda yanvar voqealari ishtirokchisi 17 yilga qamaldi (video)