Eron o‘ziga qarshi sanksiyalar bekor qilinganidan 7—8 oy o‘tgach, OPEK (neftni eksport qiluvchi mamlakatlar tashkiloti)ka kiruvchi davlatlar orasida neft qazib olish bo‘yicha ikkinchi o‘rinni qaytarmoqchi. Bu haqda “Vedomosti” Eron neft vaziri Bijon Namdar Zanganega tayanib xabar bermoqda.
“Biz narxlarga e’tibor bermasdan, bozordagi ulushimizni qaytarishimiz kerak. Narxlar ikki marta tushib ketsa, Eron hech narsa yo‘qotmaydi, qazib olish esa bu holda ikki karra oshadi. Eronning bozordagi ulushiga egalik qilayotgan mamlakatlar xavotir olishi kerak”, — dedi u mahalliy telekanalga bergan intervyusida.
Vazir so‘zlariga ko‘ra, Eron bir kecha-kunduzda 4 million barrel neft qazib chiqarish darajasiga qaytish uchun qazib olishni sutkasiga 1 million barrelga ko‘paytirishi kerak. Mamlakat 2016-yil martigacha yoqilg‘i eksportini sutkasiga 1 million barrelga oshirishga umid qilmoqda.
Izoh (0)