Indoneziyada sutka mobaynida ikkinchi kuchli zilzila sodir bo‘ldi

Indoneziyaning sharqiy qismida Rixter o‘lchovi bo‘yicha 5,1 magnitudali zilzila sodir bo‘ldi. Zilzila sunamiga olib kelgani yo‘q. Bu haqda “RIA Novosti” xabar bermoqda.

Yerosti silkinishining episentri Janubi-Sharqiy Sulavesi provinsiyasidagi Shimoliy Konave tumanidan 78 kilometr uzoqlikda bo‘lgani qayd etildi. Jabrlanganlar hamda vayrongarchiliklar haqida hozircha xabar berilmagan. Oldinroq AQSh geologik xizmati (USGS) Indoneziyada 7,0 magnitudali zilzila ro‘y bergani haqida ma’lum qilgan edi.