17—19-iyul kunlari Toshkentda tennis bo‘yicha Devis kubogining Osiyo va Okeaniya mintaqasi birinchi guruhida O‘zbekiston va Janubiy Koreya terma jamolari o‘rtasidagi ikkinchi bosqich o‘yinlari bo‘lib o‘tadi, deb xabar bermoqda “Gazeta.uz”.
Ushbu bahslar g‘olibi jahon ligasiga o‘tish turnirida ishtirok etish huquqini qo‘lga kiritadi. Qur’a tashlash marosimi 16-iyun kuni bo‘lib o‘tadi. O‘yinlari Respublika olimpiya zaxiralari tennis maktabining yangi kortlarida o‘tkaziladi.
Hozirgacha O‘zbekiston va Janubiy Koreya terma jamoalari jami besh marta o‘zaro to‘qnash kelgan bo‘lib, to‘rt marta O‘zbekiston, bir marta Janubiy Koreya vakillari g‘alab qozongan.
O‘zbekiston terma jamoasidan Denis Istomin, Farrux Do‘stov, Pyotr Lebed (sardor), Timur Ismoilov va Sanjar Fayziyev o‘rin olgan. Shuningdek, mashg‘ulot yig‘inlarida Jo‘rabek Karimov va Humoyin Karimov ham qatnashib keladi.
Izoh (0)