Checheniston rahbari Ramzan Qodirov o‘zbekistonlik bokschi Ruslan Chagayevni navbatdagi g‘alaba bilan tabrikladi. Bu haqda Qodirov o‘z blogida xabar qoldirgan.
Eslatib o‘tamiz, Ruslan Chagayev WBA tasnifi bo‘yicha superog‘in vaznda Franchesko Pyanetani birinchi raunddayoq mag‘lubiyatga uchratdi.
“Magdeburg shahri “Ahmat” jang klubi vakili, mening qadrli ukam Ruslan Chagayevning kelib chiqishi italiyalik nemis bokschisi Franchesko Pyaneta ustidan qozongan yorqin, ajoyib va chiroyli g‘alabasiga guvoh bo‘ldi”, — deydi Qodirov.
“Ruslan WBA tasnifi bo‘yicha superog‘ir vaznda doimiy jahon chempioni unvoni sovrinini himoya qildi. Birinchi raunddayoq toza nokaut! Ruslan, biz sen bilan faxrlanamiz!”, — deydi Checheniston rahbari.
“U Checheniston, Rossiya, O‘zbekiston, Germaniyadagi barcha ishqibozlar, jahonning barcha musulmonlari, haqiqiy boksni sevadigan barchaning ishonchini oqladi. U bugungi kunda superog‘ir vaznda jahonning eng yaxshi bokschisi ekanligini isbotladi”, — deya qo‘shimcha qildi Ramzan Qodirov.
Izoh (0)