Тошкентда теннис бўйича Дэвис кубоги доирасида ўйинлар бўлиб ўтади

17—19 июль кунлари Тошкентда теннис бўйича Дэвис кубогининг Осиё ва Океания минтақаси биринчи гуруҳида Ўзбекистон ва Жанубий Корея терма жамолари ўртасидаги иккинчи босқич ўйинлари бўлиб ўтади, деб хабар бермоқда «Gazeta.uz».

Ушбу баҳслар ғолиби жаҳон лигасига ўтиш турнирида иштирок этиш ҳуқуқини қўлга киритади. Қуръа ташлаш маросими 16 июнь куни бўлиб ўтади. Ўйинлари Республика олимпия захиралари теннис мактабининг янги кортларида ўтказилади.

Ҳозиргача Ўзбекистон ва Жанубий Корея терма жамоалари жами беш марта ўзаро тўқнаш келган бўлиб, тўрт марта Ўзбекистон, бир марта Жанубий Корея вакиллари ғалаб қозонган.

Ўзбекистон терма жамоасидан Денис Истомин, Фаррух Дўстов, Пётр Лебедь (сардор), Тимур Исмоилов ва Санжар Файзиев ўрин олган. Шунингдек, машғулот йиғинларида Жўрабек Каримов ва Ҳумойин Каримов ҳам қатнашиб келади.