Janubiy Koreyada MERS koronavirusi qurbonlari soni 14 nafarga yetdi

Janubiy Koreyada shanba kuni Yaqin Sharq respirator sindromi koronavirusi (MERS) qoldirgan asoratlar oqibatida 68 yoshli ayol vafot etdi. “TASS”ning xabar berishicha, mamlakatda koronavirus natijasida vafot etganlar soni 14 nafarga yetdi.

Koronavirusni yuqtirib olganlar soni so‘nggi bir necha kunda 12 kishiga ko‘payib, jami 138 nafarni tashkil etmoqda. Shunday qilib, Janubiy Koreya MERS bilan zararlangan aholi soni bo‘yicha jahonda ikkinchi mamlakatga aylandi – 2012-yili Saudiya Arabistonida 1000dan ortiq odam kasallikni yuqtirib olgandi.

Virus ilk bor 2012-yili Saudiya Arabistonida aniqlangan. Janubiy Koreya hududida esa dastlabki kasallik holati 2015-yil 20-may kuni qayd etildi – Yaqin Sharq mamlakatlariga uyushtirilgan safardan qaytgan Janubiy Koreya fuqarosi virus tashuvchisi bo‘lib chiqdi.