Bugun,

  • USD 11095.31
  • RUB 173.84
  • EUR 10772.44

O‘zbekiston Respublikasi Xalq ta’limi vazirligi tomonidan pedagoglar o‘rtasida “Yilning eng yaxshi ingliz tili o‘qituvchisi” ko‘rik-tanlovi va o‘quvchilar o‘rtasida “Ingliz tili bilimdonlari” intellektual musobaqasining mamlakat bosqichi o‘tkazildi, deb xabar beradi “O‘zA”.

Foto: uzedu.uz

Foto: uzedu.uz

“Yilning eng yaxshi ingliz tili o‘qituvchisi” ko‘rik-tanlovi uch bosqichda o‘tkazildi. Dastlabki bosqichda ikki mingga yaqin o‘qituvchi o‘z ijodiy ishi bilan ishtirok etdi. Unda yuqori natija ko‘rsatgan 232 nafar o‘qituvchining dars ishlanmasi va videodarsi ikkinchi bosqichda baholandi. Har bir hududdan eng yuqori ball to‘plagan besh nafardan ishtirokchi tanlovning yakuniy bosqichida APTIS test savollariga javob berdi. Yuqori natija ko‘rsatgan qirq nafar ishtirokchi Buyuk Britaniyaning nufuzli markazlarida malaka oshirish uchun yo‘llanmaga ega bo‘ladi.

G‘ijduvon tumanidagi 62-ixtisoslashtirilgan umumta’lim maktabi o‘qituvchisi Zarnigor Jalilova 254 ball, Mingbuloq tumanidagi 13-ixtisoslashtirilgan umumta’lim maktabi o‘qituvchisi Feruza Jo‘rayeva 250 ball, Jizzax tumanidagi 36-umumta’lim maktabi o‘qituvchisi Bahrom Jabborov va Qarshi shahridagi 1-ixtisoslashtirilgan umumta’lim maktabi o‘qituvchisi Samida Ahmedova bir xil – 241 balldan to‘pladi.

“Ingliz tili bilimdonlari” intellektual musobaqasida hududiy bosqichda g‘oliblikni qo‘lga kiritgan 14 jamoa turli shartlar bo‘yicha o‘zaro bellashdi. Toshkent shahri jamoasi birinchi, Xalq ta’limi vazirligi tasarrufidagi filologiyaga ixtisoslashtirilgan davlat umumta’lim maktabi jamoasi ikkinchi, Navoiy viloyati jamoasi uchinchi o‘rinni egalladi.

Eslatib o‘tamiz, 2014-yilda tashkil qilingan “Ingliz tili bilimdonlari” intellektual musobaqasida ham Toshkent shahri vakillari g‘alaba qozongandi.

Izoh
Asosiy yangiliklar
Mahalliy
Qarshida Cobalt haydovchisi 13 yoshli qizni urib yuborib, voqea joyidan qochib ketdi (video)
Mahalliy
Nogiron fuqaroning bo‘yniga zanjir bog‘langani aks etgan video yuzasidan izoh berildi
Mahalliy
O‘zbekistonning katta qismida hafta oxiriga borib anomal sovuq bo‘lishi kutilmoqda