Bugun,

  • USD 11095.31
  • RUB 173.84
  • EUR 10772.44

Namangan shahrida tennis bo‘yicha sovrin jamg‘armasi 25 ming dollardan iborat turnirning asosiy to‘r bahslari start oldi, deb xabar beradi “Olamsport.com”.

Oqgul Omonmurodova. Foto: “Olamsport”

Oqgul Omonmurodova. Foto: “Olamsport”

Musobaqada JAR, Rossiya, Turkiya, Qozog‘iston, Ukraina, Hindiston, Slovakiya, Chexiya, Germaniya, Polsha kabi davlatlardan kelgan tennischilar ishtirok etyapti.

Ular orasida asosiy to‘rda sakkiz nafar o‘zbekistonlik tennischi o‘z imkoniyatini sinovdan o‘tkazadi. 8-iyun kuni o‘tkazilgan uchrashuvlardan so‘ng ulardan uch nafari ikkinchi davraga yo‘llanma oldi. Turnirda ikkinchi raqam ostida tasniflangan Nigina Abduraimova ilk bosqichda yana bir o‘zbekistonlik Polina Merenkovani 6:4, 6:1 hisobida taslim etdi.

Musobaqaning uchinchi raketkasi hisoblangan Oqgul Omonmurodova qozog‘istonlik Yekaterina Klyuyevadan 6:3, 6:1 hisobida ustun keldi. To‘rtinchi raqam ostida harakat qilayotgan Sabina Sharipova esa ispaniyalik Nuriya Parrizas-Diasni bahslardan chiqarib yubordi. Birinchi set 6:4 hisobida Sabina foydasiga hal bo‘ldi. Ikkinchi setda 0:4 hisobida mag‘lub bo‘layotgan ispan tennischisi bahsni davom ettira olmasligini ma’lum qildi.

Albina Xabibulina polshalik Jyustina Jagiolkaga 2:6, 1:6, Vlada Yakshibarova esa hindistonlik Ankita Raynaga 4:6, 5:7 hisobida imkoniyatni boy berib qo‘ydi. 9-iyun kuni o‘zbekistonliklardan Arina Folts va Gulchehra Muhammadsiddiqova o‘z uchrashuvlarini o‘tkazadi.

Izoh
Asosiy yangiliklar
Sport
Iskandarov — eng yaxshi futbolchi, Kapadze — eng yaxshi murabbiy. O‘zbek futbolida 2022-yilning eng yaxshilari aniqlangan marosimdan fotoreportaj
Madaniyat
Farzandidan ayrilgan, 3 soat uxlagan, hojatxonada farroshlik qilgan: muvaffaqiyatga erishish yo‘lida turli qiyinchiliklardan o‘tgan yulduzlar (foto)
Mahalliy
“Sirdaryoda bir so‘m ham o‘g‘irlanmaydigan, korrupsiyasiz tizim yaratilishi kerak” — Sardor Umurzoqov