O‘tgan kunning eng ommabop xabarlari bilan tanishing

“Barselona” muxlisi Messidan o‘zini Maskerano bilan birga suratga tushirishni so‘radi

“Barselona” futbol klubi muxlisi argentinalik yarim himoyachi Xavyer Maskerano bilan suratga tushayotgani aks etgan fotosurat internetda ommalashib ketdi. Ushbu suratning alohida qiymatga ega bo‘lishiga sabab “Barselona”ning argentinalik hujumchisi va dunyoning eng buyuk sportchilaridan biri Lionel Messi muxlis va Maskeranoga fotograflik qilganidir.

Farhod va Shirin dueti: “Farhod va Shirin” filmining ssenariysi yoqmagani uchun ham unda rol o‘ynamadik

Farhod va Shirin dueti “Bekajon” gazetasiga bergan intervyusida nima uchun “Farhod va Shirin” filmida suratga tushmaganiga izoh berdi. Farhod: “Bizga ushbu filmda rol ijro qilishni taklif etishdi, lekin ijodiy guruhimizga ssenariy ma’qul kelmadi. Shuning uchun ham biz kinoda rol ijro etishni rad etdik”. Shirin: “Shirin deganda tasavvurimga ibo-hayoli, kamtarin qiz keladi. Lekin ssenariyni o‘qiganimda bu tasavvurimga to‘g‘ri kelmadi va uni rad etishga majbur bo‘ldik”.

Buyuk Britaniya politsiyasi Londonga tashrif buyurgan Kim Chen Inning akasi yo‘qolishi holatini tekshirmaydi

Joriy haftada Londonda Erik Kleptonning ikki konsertiga tashrif buyurgan KXDR yetakchisi Kim Chen Inning akasi Kim Chen Chxolning yo‘qolib qolganligi ehtimolini Buyuk Britaniya poytaxti politsiyasi tekshirmaydi.

Bezorilar yarim tunda toshkentlik qizning plansheti va 500 ming so‘m pulini olib qochdi

Tungi soat 23:00 larda ko‘cha aylanishga chiqqan 19 yoshdagi ikki yigit poytaxtdagi “Arkadiy” kafesi yoniga keladi. Biroz o‘tgan-ketganlarni kuzatib o‘tiradi. Shu vaqt ularning yonidan dugonasining tug‘ilgan kunidan qaytayotgan, voyaga yetmagan qiz o‘tib qoladi-yu, uning qo‘lidagi telefon planshet yigitlarda qiziqish uyg‘otadi.

Rossiyalik maktab o‘quvchisi selfi olaman deb halok bo‘ldi

Marhum 9-sinf o‘quvchisi so‘nggi qo‘ng‘iroq munosabati bilan sinfdoshlari bilan birgalikda ko‘prik yaqinida piknik uyushtirgan. Kech kirganda o‘smirlarning bir nechtasi sayr qilib, ko‘prikka chiqqan. O‘rtoqlari uni to‘xtatishga urinmasin, jabrlanuvchi metall konstruksiyaga chiqib, suratga tushmoqchi bo‘lgan.