Gruziya mudofaa vaziri Tina Xidasheli va AQSh qurolli kuchlari quruqlikdagi qo‘shinlarining Yevropadagi qo‘mondoni general-leytenant Frederik Ben Xodjes 24-may kuni yakuniga yetgan “Yuqori darajadagi sherik” Gruziya-Amerika harbiy mashg‘ulotlari muvaffaqiyatli kechganini aytib o‘tdi, deya xabar bermoqda “TASS”. Bunday bayonot Tbilisidagi brifingda yangradi.
Xidasheli so‘zlariga ko‘ra, manyovrlar “muvaffaqiyatli va muhim” bo‘lgan. O‘z navbatida Xodjes “AQSh va Gruziyaning mudofaa sohasidagi hamkorligi yanada mustahkamlanib borayotgani”ni ta’kidladi.
Nashr eslatishicha, harbiy mashg‘ulotlar 11-mayda Tbilisi yaqinidagi Vaziani bazasida boshlangan edi. Unda har ikki tomondan jami 600 nafar harbiy xizmatchi qatnashgan edi.
Izoh (0)