Yevropa Ligasi finalida “Sevilya” va “Dnepr” o‘ynaydigan bo‘ldi

Kecha oqshom Yevropa Ligasida yarim finalning javob o‘yinlari bo‘lib o‘tdi, deb xabar bermoqda “Olamsport”.

Ukrainaning “Dnepr” klubi shov-shuvli tarzda final yo‘llanmasini qo‘lga kiritdi. Dnepropetrovskliklar Kiyev shahridagi “Olimpiyskiy” stadionida Italiyaning “Napoli” jamoasini 1:0 hisobida mag‘lub etdi. Ilk o‘yinda 1:1 hisobi qayd etilgandi.

Ikkinchi yarim final juftligida Ispaniyaning “Sevilya” klubi Italiyaning “Fiorentina” jamoasidan ustun ekanligini ikkinchi o‘yinda ham isbotladi. Ikki o‘yin natijasiga ko‘ra 5:0 hisobida zafar quchgan andalusiyaliklar bosh mukofot uchun kurashni davom ettiradigan bo‘lishdi.

Yevropa Ligasi. Yarim final. Javob uchrashuvlari

“Dnepr” (Ukraina) – “Napoli” (Italiya) 1:0

Gol: 1:0 – 58 Seleznev.

“Dnepr” – Boyko, Cheberyachko, Duglas, Fedeskiy, Leo Matos, Kankava, Fedorchuk, Rotan, Luchkevich (Mateus, 67), Konoplyanka (Gama, 86), Seleznev (Kalinich, 75).

“Napoli” – Anduxar, Gulyam, Britos, Albiol, Madjo, Lopes Silva (Enrike, 79), Inler, Insine (Mertens, 61), Kalexon, Gabbyadini (Gamshik, 55), Iguain.

Ogohlantirishlar: Leo Matos (23), Gabbyadini (27), Fedeskiy (44), Seleznev (70), Kankava (75), Gulyam (81), Mateus (85), Kalexon (85), Boyko (90).

Birinchi o‘yin – 1:1.

“Fiorentina” (Italiya) – “Sevilya” (Ispaniya) 0:2 (0:2, 0:0)

Gollar: 0:1 – 22 Bakka, 0:2 – 27 Karrisu.

“Fiorentina” – Neto, Alonso, Basanta (Paskual, 46), Rodriges, Savich, Salax, Valero (Latssari, 85), Sanches, Ilichich, Fernandes (Badel, 67), Pisarro.

“Sevilya” – Riko, Kolodzeychak, Karrisu, Koke, Tremulinas, Mbia, Krixovyak, Banega (Iborra, 55), Vidal, Vitolo (Reyes, 74), Bakka (Gameyro, 70).

Ogohlantirishlar: Pisarro (21), Savich (26), Banega (34), Valero (49).

Birinchi o‘yin – 0:3.