UzMobile GSM tarmog‘ining “chiroyli raqamlari” narxlari ma’lum bo‘ldi

Bugun, 2015-yil 15-apreldan ishga tushadigan UzMobile GSM tarmog‘i tomonidan taqdim etiladigan “chiroyli raqamlar” kategoriyasidagi alohida to‘lovli raqamlarining narxlari ma’lum bo‘ldi.

Bunday raqamlar to‘qqiz toifaga bo‘lingan. To‘qqizinchi toifadagi raqamlar narxi 15 dollar, sakkizinchi toifa 30 dollar, yettinchi toifa 75 dollar, oltinchi toifa 150 dollar, beshinchi toifa 300 dollar turadi.

Narxi 500 dollar bo‘lgan to‘rtinchi toifa raqamlari X0Y 07 07, X0Y 70 70, X0Y 07 77, X0Y 00 07, X0Y 00 0Y ko‘rinishida bo‘ladi. 1000 dollarlik uchinchi toifa raqamlari X0Y 0Y 0Y, 1500 dollarlik ikkinchi toifa raqamlari X0Y AA AA, 2000 dollarlik birinchi toifa raqamlari esa X0Y 00 00, X0Y 77 77 va X0Y YY YY ko‘rinishida bo‘ladi.

Raqam bir necha toifaga mos kelganda, eng qimmat toifa narxida to‘lanadi.

Eslatib o‘tamiz, avvalroq UzMobile GSM tarmog‘i tariflari e’lon qilingan edi.