Islom Karimov Xorazm viloyati saylovchilari bilan uchrashdi

Tadbirkorlar va ishbilarmonlar harakati – O‘zbekiston Liberal-demokratik partiyasidan O‘zbekiston Respublikasi Prezidentligiga nomzod Islom Karimov 26-fevral kuni Xorazm viloyati saylovchilari bilan uchrashdi, deya xabar bermoqda O‘zA.

Uchrashuvni O‘zbekiston Respublikasi Prezidenti saylovini o‘tkazuvchi 12-Xorazm okrug saylov komissiyasi raisi A.Rahimov ochdi.

O‘zbekiston Respublikasi Prezidentligiga nomzod Islom Karimov uchrashuvda nutq so‘zlab, o‘z saylovoldi dasturining asosiy yo‘nalishlariga e’tiborni qaratdi.

Uchrashuvda mehnat faxriysi K.Ortiqov, O‘zbekiston Yozuvchilar uyushmasi Xorazm viloyati bo‘limi rahbari G.Ibodullayeva va boshqalar mamlakatimizda mustaqillik yillarida misli ko‘rilmagan ulkan ishlar amalga oshirilganini ta’kidladi. Prezident sayloviga tayyorgarlik, uni o‘tkazish bilan bog‘liq jarayonlar milliy qonunchiligimiz va umume’tirof etilgan xalqaro demokratik talablarga to‘la mos ravishda o‘tayotganini qayd etdi. Saylovchilarni joriy yilning 29-mart kuni bo‘ladigan O‘zbekiston Respublikasi Prezidenti saylovida faol ishtirok etishga chaqirdi.