AQSh Xalqaro rivojlanish agentligi (USAID) tomonidan loyihalashtirilgan va O‘zbekiston Qishloq va suv xo‘jaligi vazirligi bilan hamkorlikda amalga oshirilgan “Qishloq xo‘jaligidagi aloqalar” (AgLinks Plus) loyihasining yopilish marosimida “Meva” mobil dasturining taqdimoti bo‘lib o‘tdi, deb xabar bermoqda “Mobinfo.uz”.
Android operatsion tizimida ishlaydigan ilovani ishlab chiqqan dasturchilarning so‘zlariga ko‘ra, ushbu mobil dasturga loyiha davomida ishlab chiqilgan barcha o‘quv materiallari to‘plangan.
Ilovani 2015-yil 27-fevraldan boshlab Google Play do‘konidan bepul yuklab olib, Android operatsion tizimidagi qurilmalarga o‘rnatish mumkin bo‘ladi.
Izoh (0)