Ўзбекистонда боғбонлар учун «Мева» мобил иловаси тақдим этилди

АҚШ Халқаро ривожланиш агентлиги (USAID) томонидан лойиҳалаштирилган ва Ўзбекистон Қишлоқ ва сув хўжалиги вазирлиги билан ҳамкорликда амалга оширилган «Қишлоқ хўжалигидаги алоқалар» (AgLinks Plus) лойиҳасининг ёпилиш маросимида «Мева» мобил дастурининг тақдимоти бўлиб ўтди, деб хабар бермоқда «Mobinfo.uz».

Android операцион тизимида ишлайдиган иловани ишлаб чиққан дастурчиларнинг сўзларига кўра, ушбу мобил дастурга лойиҳа давомида ишлаб чиқилган барча ўқув материаллари тўпланган.

Иловани 2015 йил 27 февралдан бошлаб Google Play дўконидан бепул юклаб олиб, Android операцион тизимидаги қурилмаларга ўрнатиш мумкин бўлади.