Italiyaning Bergamo shahrida o‘tkazilayotgan tennis bo‘yicha “Chellenjer” turkumiga kiruvchi mukofot jamg‘armasi 42 ming 500 yevroni tashkil etuvchi musobaqada o‘zbekistonlik Farrux Do‘stov ham ishtirok etyapti, deb xabar beradi “Olamsport.com”.
O‘zbekistonning ikkinchi raketkasi juftliklar o‘rtasidagi musobaqaning ikkinchi davrasida mag‘lubiyat alamini totib ko‘rdi. Do‘stov italiyalik do‘sti Flavio Chipolla bilan birga Martin Emmrix hamda Andreas Silijestrom juftligiga 3:6, 6:2, tay-brekda 8:10 hisobida imkoniyatni boy berdi.
Izoh (0)