Toshkent shahrining Sergeli tumanida joylashgan Driver’s Village avtosalonida Lacetti avtomobilining 2-pozitsiyasini besh kun ichida sotib olishi mumkinligi haqidagi tarqalgan xabarlarni avtosalon vakillari tasdiqladi.
Avtosalon xodimlarining “Daryo”ga ma’lum qilishicha, ushbu avtomobilning narxi 18 198 dollar turadi. To‘lovlar markaziy bank kursi bo‘yicha AQSh dollarida xalqaro to‘lov kartasi orqali amalga oshiriladi.
Bundan tashqari, avtosalonda Orlando, Malibu, Cobalt, Captiva, Nexia, Spark, Lacetti avtomobillarining turli pozitsiyalarini ham olish mumkin. Jumladan, Malibu avtomobilining 2-pozitsiyasini 91 582 000 so‘mga (xarid so‘mda amalga oshiriladi) sotib olish mumkin.
Izoh (0)