Caviar Rossiya-Italiya kompaniyasi Rossiyaga bag‘ishlangan TI Atlante Russia nomi ostidagi smartfonni taqdim etdi, deya xabar bermoqda “Korrespondent.net”. Telefon bugun — 2-fevraldan sotilishni ham boshladi.
Apple iPhone bazasidagi yangi telefon korpusi orqa qismiga Rossiya gerbi, Spass minorasi va mamlakat madhiyasi so‘zlaridan iborat taxtacha tushirilgan.
Qurilma to‘liq titandan ishlangan versiyada va lyuks-komplektatsiyada (gerb va madhiya taxtachasi tilladan qilingan) chiqariladi.
Kompaniya Caviar TI Atlante Russia smartfonlarini 2015-yilda “Rossiya qahramoni” mukofotiga sazovor bo‘lganlarga topshirmoqchi. Buni rasmiy asosda amalga oshirish uchun Caviar tegishli taklifni Rossiya hukumatiga yo‘naltirmoqchi.
Yangi qurilma Apple iPhone’larning deyarli barchasi asosida taqdim etiladi. iPhone 4s bazasidagi titan telefonning eng oddiy versiyasi 99 ming rubl (taxminan 1500 dollar), iPhone 6 Plus bazasidagi tilla model esa 204 ming rubl (3000 dollar)dan sotiladi.
Izoh (0)