Samsung kompaniyasi yangi — Galaxy E7 va E5 smartfonlarining rasmiy taqdimotini o‘tkazdi. Bu haqda Samsung Tomorrow axborotiga tayanib, “Kun.uz” xabar bermoqda.
Bungacha ushbu smartfonlar haqida faqat mish-mishlar yurgandi. Dastlabki ma’lumotlarga ko‘ra, qurilma dastlab Hindiston bozoriga chiqariladi, keyinchalik boshqa hududlarga ham chiqarilishi mumkin.
Galaxy E7 va E5 smartfonlari mos ravishda 5,5 va 5 dyuymli sensor displeylar bilan ta’minlangan. Ushbu qurilmalar flagman modellar hisoblanmasa-da, kompaniya ushbu smartfonlarni kuchli, chiroyli va qulay, muhimi, yoshlarbop deb ta’riflamoqda.
Smartfonlarning qalinligi 7,3 millimetrdan oshmaydi. Samsung Galaxy E7 va E5’ning ikkisida ham ikkitadan sim-kartada foydalanish mumkin. Birinchi qurilmaning narxi 23 ming rupiy (taxminan 364 dollar) bo‘lsa, ikkinchisi 19,3 ming rupiy (taxminan 305 dollar)ga baholanmoqda.
Izoh (0)