Vengriyaning Dyor shahrida davom etayotgan shaxmat bo‘yicha 16 yoshgacha bo‘lgan shaxmatchilar o‘rtasidagi Butunjahon yoshlar shaxmat olimpiadasida 18-dekabr kuni 7-tur uchrashuvlari o‘tkazildi, deb xabar beradi “Olamsport”.
Olimpiadada 21-raqam ostida tasniflangan O‘zbekiston yoshlar terma jamoasi dastlab 6-turda mo‘g‘ulistonlik shaxmatchilarni yirik 4:0 hisobida taslim etgandi.
Kunning ikkinchi yarmida o‘tkazilgan 7-turda Mamatqul Haylayev shogirdlari Vengriyaning ikkinchi raqamli jamoasiga 1:3 hisobida imkoniyatni boy berdi. Vengriya-2 Olimpiadaning 10-raqamda saralangan terma jamoasi hisoblanadi.
Bu O‘zbekiston terma jamoasining ikkinchi mag‘lubiyatiga aylandi. Bundan avval terma jamoa Olimpiadaning 5-turida Vengriyaning birinchi raqamli jamoasiga 3:1 hisobida imkoniyatni boy bergan edi.
8-tur oldidan O‘zbekiston yoshlari 18-o‘rindan joy olgan.
Vengriya-2 — O‘zbekiston: 3:1:
- Gergo Xavasi (2353) — Ortiq Nig‘matov (2236) 1:0
- FM Adam Kozak (2307) — Nodirbek Yoqubboyev (2144) 0,5:0,5
- FM Armin Juxash (2268) — Bahora Abdusattorova WFM (2216) 1:0
- Peter Jiray (2301) — Nodirbek Abdusattorov FM (2186) 0,5:0,5
Izoh (0)