Bugun,

  • USD 11014.01
  • RUB 191.8
  • EUR 10674.78

Shvetsiyalik olimlar dunyoda birinchi bo‘lib nosvoy tarkibini aniqladi. Bu haqda Tengrinews.kz xabar bermoqda.

Foto: stanradar.com

Foto: stanradar.com

Nashrning eslatishicha, avvalroq Qozog‘iston olimlari shu paytgacha tarkibi o‘rganilmagan ushbu mahsulotni to‘liq tahlil qilmoqchi bo‘lgan. Biroq bu yerdagi laboratoriyalar bunday ekspertiza o‘tkazish uchun yaroqsiz bo‘lib chiqqani tufayli Qozog‘istondan sotib olingan nosvoy namunasi Stokgolmdagi Jahon sog‘liqni saqlash laboratoriyasiga jo‘natildi.

Shvetsiya olimlari ushbu nosvoyda xrom, nikel, kadmiy, qo‘rg‘oshin va margimush borligini, ushbu moddalarning barchasi mumkin bo‘lgan miqdordan ortiq ekanligini aniqladi. Chunonchi, nikel me’yordan 5,1 marta, xrom — 17 marta, qo‘rg‘oshin 38 marta ko‘p bo‘lgan, margimush esa chaynaladigan tamaki tarkibida umuman bo‘lmasligi kerak. Shuningdek, nosvoyning qo‘lda, sanitariya qoidalariga rioya qilinmagan holda tayyorlanganidan darak beruvchi turli kasallik qo‘zg‘atuvchi mikroblar topildi.

Bundan tashqari, nosvoy tarkibidagi tamakida saraton kasalligini keltirib chiqarishi mumkin bo‘lgan moddalar miqdori meyordan to‘rt marta ortiq ekanligi aniqlangan. Bunday moddalalrning shakllanishiga imkon yaratuvchi nitrit-ionlar esa mumkin bo‘lgan miqdordan 91 marta ko‘p ekanligi ma’lum bo‘ldi.

Bunday natijalar orqali tadqiqotchilar Qozog‘iston va boshqa mamlakatlarda nosvoyni taqiqlash maqsadga muvofiq bo‘ladi, degan xulosaga kelishdi.

Izoh
Asosiy yangiliklar
Sport
YCHL. “Bavariya” o‘z maydonida raqibini tor-mor etdi, “Marsel” 5 ta gol urilgan o‘yinda “Sporting” ustidan yirik hisobda g‘alaba qozondi
Mahalliy
“Daryo” kundaligida 4-oktabrda sodir bo‘lgan eng muhim voqealar
Dunyo
Belgorod shahri osmonida noma’lum uchqun paydo bo‘ldi (video)