Microsoft kompaniyasi 2014-yilning uchinchi choragida qayd etgan ko‘rsatkichlarini e‘lon qildi. Bu haqda Phonearena.com ma’lumotiga asoslanib “Parol” nashri xabar berdi.
Kompaniya uchinchi chorakda 23,2 milliard dollar daromad, 4,5 milliard dollar foyda ko‘rgan. Planshet savdosidan ko‘rilgan daromad esa 908 million dollarni tashkil etgan. Bunda Surface Pro 3 planshetining o‘rni katta bo‘lgan.
Uchinchi chorakda Microsoft 9,3 million dona Lumia smartfonlarini sotgan. Bu esa ikkinchi chorakda sotilgan 5,8 million va o‘tgan yilning uchinchi choragidagi 8,8 million dona Lumia smartfonlari sonidan ancha yuqori va yangi rekord natija.
Shuningdek, ushbu chorakda 2,4 million dona Xbox o‘yin qurilmalari sotilgan. Ammo aynan qaysi modellari ekanligi haqida ma’lumot keltirilmagan.
Izoh (0)