Qaysi Android versiyasi operatsion tizimga ko‘proq o‘zgarish olib kelganligi aniqlandi

Phonearena.com sayti qaysi Android versiyasi operatsion tizim ko‘rinishiga ko‘proq o‘zgarish olib kelganligi borasida so‘rovnoma o‘tkazdi. Bu haqda “Parol” nashri xabar berdi.

So‘rovnomada jami 3794 nafar kishi ishtirok etdi va ularning ko‘pchiligi Ice Cream Sandwich barcha Android versiyalari orasida ko‘proq ko‘zga tashlanadigan o‘zgarishlarga ega ekanligini ta‘kidlashdi. Quyida to‘liq ovoz berish natijalari bilan tanishishingiz mumkin.

• Android 1.6 Donut — 2 ta ovoz;
• Android 2.0 Eclair — 18 ta ovoz;
• Android 1.5 Cupcake — 20 ta ovoz;
• Android 2.2 Froyo — 39 ta ovoz;
• Android 3.0 Honeycomb — 80 ta ovoz;
• Android 4.4 KitKat — 161 ta ovoz;
• Android 2.3 Gingerbread — 224 ta ovoz;
• Android 4.1 Jelly Bean — 411 ta ovoz;
• Android 5.0 Lollipop — 1191 ta ovoz;
• Android 4.0 Ice Cream Sandwich — 1648 ta ovoz.