Avgust oyida taqdim etilgan Samsung Galaxy Alpha smartfoni Toshkent shahridagi “Fleshka” savdo majmuasida 2 380 000 so‘mdan sotila boshlandi. Bu haqda Mobinfo.uz ma’lumotiga asoslanib “Parol” nashri xabar berdi.
Ushbu smartfon Apple kompaniyasining iPhone 6 smartfonini “o‘ldirishi” xabar qilingan edi. Shuningdek, Galaxy Alpha Samsung kompaniyasining ilk metal ramkali smartfoni hisoblanadi. U 6,7 millimetr qalinlikka ega ekanligi sabab Galaxy lineykasidagi eng ingichka smartfon bo‘ldi. Galaxy Alpha smartfonining texnik xususiyatlari bilan quyida tanishing:
- Displey: 4,7 dyuym, 720×1280 pikselli Super AMOLED;
- Protsessor: Chastotalari 1,8 va 1,3 gigagersdan bo‘lgan ikkita to‘rt yadroli (jami sakkiz yadroli) Exynos 5;
- Tezkor xotira: 2 Gb;
- Ichki xotira: 32 Gb (kengaytirib bo‘lmaydi);
- Kamera: 2,1 megapikselli old va 12 megapikselli orqa;
- Batareya: 1860 mA·soat;
- Operatsion tizim: Android 4.4.4 KitKat, TouchWiz interfeysi.
Eslatib o‘tamiz, Galaxy Alpha smartfoni Samsung kompaniyasining eng chiroyli smartfoni deb topilgan edi. Galaxy Alpha smartfonining suratlarini “Parol” nashrining ushbu fotojamlanmasidan tomosha qilishingiz mumkin. Shu bilan birga, uning ishlab chiqarilish jarayonidan tayyorlangan fotojamlanmani ham tomosha qilishni tavsiya qilamiz.
Izoh (0)