Август ойида тақдим этилган Samsung Galaxy Alpha смартфони Тошкент шаҳридаги «Флешка» савдо мажмуасида 2 380 000 сўмдан сотила бошланди. Бу ҳақда Mobinfo.uz маълумотига асосланиб «Пароль» нашри хабар берди.
Ушбу смартфон Apple компаниясининг iPhone 6 смартфонини «ўлдириши» хабар қилинган эди. Шунингдек, Galaxy Alpha Samsung компаниясининг илк метал рамкали смартфони ҳисобланади. У 6,7 миллиметр қалинликка эга эканлиги сабаб Galaxy линейкасидаги энг ингичка смартфон бўлди. Galaxy Alpha смартфонининг техник хусусиятлари билан қуйида танишинг:
- Дисплей: 4,7 дюйм, 720×1280 пикселли Super AMOLED;
- Процессор: Частоталари 1,8 ва 1,3 гигагерцдан бўлган иккита тўрт ядроли (жами саккиз ядроли) Exynos 5;
- Тезкор хотира: 2 Гб;
- Ички хотира: 32 Гб (кенгайтириб бўлмайди);
- Камера: 2,1 мегапикселли олд ва 12 мегапикселли орқа;
- Батарея: 1860 мА·соат;
- Operaцион тизим: Android 4.4.4 KitKat, TouchWiz интерфейси.
Эслатиб ўтамиз, Galaxy Alpha смартфони Samsung компаниясининг энг чиройли смартфони деб топилган эди. Galaxy Alpha смартфонининг суратларини «Пароль» нашрининг ушбу фотожамланмасидан томоша қилишингиз мумкин. Шу билан бирга, унинг ишлаб чиқарилиш жараёнидан тайёрланган фотожамланмани ҳам томоша қилишни тавсия қиламиз.
Изоҳ (0)