“Turkiston” saroyida Infocom — 2014 axborot-kommunikatsiya texnologiyalari haftaligi doirasida MIT.uz — milliy internet tanlovi g‘oliblarini taqdirlash marosimi bo‘lib o‘tdi. Bu haqda “Kamolot” yoshlar ijtimoiy harakatining axborot xizmati xabar bermoqda.
Mazkur tanlov O‘zbekiston Respublikasi Prezidentining 2014-yil 6-fevraldagi PQ-2124 sonli Qarori bilan tasdiqlangan “O‘zbekiston Respublikasida 2014-yilda yoshlarga oid davlat siyosatini amalga oshirishga qaratilgan qo‘shimcha chora-tadbirlar Dasturi”ga muvofiq tashkil etildi.
Tantanali taqdirlash marosimi rasmiy boshlanishidan avval “Turkiston” saroyining foyesida tanlov ishtirokchilari taqdim etgan ishlar fotoko‘rgazmasi tashkil etildi.
Bundan tashqari, Toshkent axborot texnologiyalari universiteti talabalari tomonidan tayyorlangan texnik ishlanmalar, dasturlar namoyishi o‘tkazildi.
Bu ko‘rgazmalar marosimga tashrif buyurgan mehmonlarda katta qiziqish uyg‘otdi.
Asta-sekinlik bilan tadbirning asosiy qismi ya’ni tanlov g‘oliblarini taqdirlash marosimi boshlandi.
Tomoshabinlar orasidan doira sadosi bilan kirib kelgan yosh doirachilar tadbirni ochib berdi.
Doira sadosi asta-asta to‘xtab, zal bo‘ylab qorong‘ulik hukm surdi. Qorong‘ulik bag‘ridan qizil, ko‘k ranglar jilosi zamonaviy raqs harakatlari bilan nur bag‘ishladi.
Ana shu tariqa MIT.uz — milliy internet tanlovining tantanali marosimi start oldi va g‘oliblar taqdirlandi.
Izoh (0)