Bugun,

  • USD 10940.05
  • RUB 182.26
  • EUR 11121.65

Italiya bosh vaziri Matteo Rensi Ice Bucket Challenge (“Bir chelak muzdek suv sinovi”) aksiyasida ishtirok etdi, deya xabar berdi Huffington Post nashrining italyancha versiyasi. Hukumat rahbariga biryo‘la bir necha kishi, jumladan taniqli italiyalik qo‘shiqchilar Jovanotti va Tisiano Ferro chaqiriq yo‘llagan edi.

Foto: urbanpost.it

Foto: urbanpost.it

Rensi esa o‘z navbatida ba’zi do‘stlari, shuningdek gazeta, jurnal va televizion yangiliklar muharrirlariga muzdek suvda cho‘milishni taklif qildi.

Ice Bucket Challenge fleshmobining maqsadi yon amiotrofik skleroz deb nomlangan markaziy asab tizimi kasalligi haqida xabardorlikni oshirishdan iboratdir. Xayriya kampaniyasini qo‘llab-quvvatlamoqchi bo‘lgan kishilar o‘z ustidan sovuq suv quyishi va buni aks ettiruvchi videoyozuvni internetga joylashi kerak. Shundan so‘ng ular o‘z do‘stlari, hamkasblari va shunchaki tanishlariga bunday chaqiruvni yo‘llaydi: agar ular 24 soat ichida muzdek suvda cho‘milmasa, kampaniya tashabbuskori bo‘lmish ALS Association fondi hisobiga 100 dollar hajmida xayriya qilishi kerak bo‘ladi. Agar chaqiriqni qabul qilishsa, 10 dollar miqdoridagi to‘lov bilan cheklanish mumkin.

Sharko kasalligi yoki Lu Gerig kasalligi sifatida ham tanilgan yon amiotrofik skleroz qo‘l-oyoqlar falajligi va muskullarning qurishi bilan kechadi. Xastalik o‘limga olib kelishi mumkin, bemorlar nafas yo‘llari infeksiyalaridan yoki nafas olish muskullari ishlamay qolishidan vafot etishi mumkin.

Izoh
Asosiy yangiliklar
Dunyo
Irlandiyadagi qamoqxonada “buyuk qochish”, sakkiz soatli ish rejimini qo‘llagan Genri Ford va qon quyish bo‘yicha birinchi muvaffaqiyatli amaliyot. Kun xronologiya...
Mahalliy
“Daryo” reportaji: Namangandan topilgan zardushtiylar ibodatxonasining dunyoda tengi yo‘qligi aytilmoqda. Bu yerdagi 70 ta otashkadada tun-kun olov yonib turgan (v...
Madaniyat
O‘zbekistonda o‘tkazilgan Mokkoji Korea festivali va K-pop konserti — suratlarda